Аялал Жуулчлалын Тогтвортой Хөгжлийн Төвийн хуудсанд тавтай морилно уу

Аялал Жуулчлалын Тогтвортой Хөгжлийн Төв

Төвийн товч танилцуулга:           

 

Аялал Жуулчлалын Тогтвортой Хөгжлийн Төв нь аялал жуулчлалын мэргэжил, чиглэлээр эх орондоо болон гадаад улс орнуудад ажиллаж, суралцаж буй залуучуудын санаачлагаар Их Монгол улсын тулгар төр байгуулагдсан түүхт 800 жилийн ой тохиосон 2006 оны 11 сарын 12-ны билэгт сайн өдөр үүсгэн байгуулагдсан.

 

Төвийн үндсэн зорилго нь Монгол орны аялал жуулчлалын үйлдвэрлэлийн үндсэн нөөц болох үзэсгэлэнт, хөндөгдөөгүй байгаль, түүх, соёлын өв дурсгал, нүүдэлчин амьдралын хэв маяг, уламжлалт зан заншлын харилцан баяжигдсан үнэт зүйлс бүхий бүтээгдэхүүнийг аялал жуулчлалын салбарт зохистой бодлогоор төлөвлөн ашиглаж, тогтвортойгоор хөгжүүлж хойч ирээдүйдээ өвлүүлэх явдалд хувь нэмрээ оруулах явдал юм.

 

Тухайлбал, аялал жуулчлалыг Монгол улсад хөгжсөн үе шат, онцлог, нөлөөллөөс нь хамааруулж бүсчлэн болон бүтээгдхүүнчлэн хөгжүүлэх төлөвлөлтийг хийх, тухайн орон нутгийн аялал жуулчлалын стратеги чиглэл, маркетинг менежментийг тодорхойлоход хамтран ажиллах, аялал жуулчлалын боловсон хүчнийг тухайлсан болон мэргэжүүлсэн түвшинд сургах, зөвлөгөө өгөх, семинар ярилцлага, судалгаа хийх, гадаад дотоодын төсөл хэрэгжүүлэх, мэргэжлийн оюутан залуусыг давтан чадваржуулах, зах зээлд холбох, аж ахуйн нэгжид бизнесийн арга барил, чадварыг эзэмшүүлэх, мэргэжлийн сэтгүүл мэдээлэл явуулах зэрэг олон талт арга хэмжээг явуулдаг.

31967913_201599777232491_689285284279772

Аялал Жуулчлалын Тогтвортой Хөгжлийн Төв та бүхэнтэй хамтран ажиллахад бэлэн байна.АЖТХТ 2019

27.jpg

Бидний эрхэм зорилго:

Үйл ажиллагааны үндсэн чиглэлүүд:

 Хамтын ажиллагаа

- Аялал жуулчлалын тогтвортой, хариуцлагатай хэлбэрийн чиглэлүүдийг хөгжүүлэхэд сургалт, судалгаа хийх, мэдээлэл түгээх зэргээр гадаад, дотоодын төрийн болон төрийн бус, бизнесийн байгууллагуудтай

- Орон нутгийн аялал жуулчлалын бодлого төлөвлөлтийн хүрээнд орон нутаг, аймгууд сумдын захиргаадтай

- Монгол улсын аялал жуулчлалын боловсролын стандарт журмыг боловсруулах, сургалтын агуулга, хөтөлбөрийг сайжруулан шинэчлэхэд холбогдох байгууллагуудтай

- Орон нутгийн захиргаад, удирдах түвшний ажилтнууд болон аялал жуулчлалын мэргэжлийн хүмүүст тусгайлан зориулсан чадавхижуулах, мэргэшүүлэх сургалтуудыг зохион байгуулах

- Аялал жуулчлал, байгаль хамгааллын чиглэлээр үйл ажиллагаа явуулж буй төр, олон нийтийн болон хувийн хэвшлийн байгууллага, хүмүүстэй хамтарч ажиллах

Дотоод

гадаадын төсөл хөтөлбөрүүд

Хамтын ажиллагаа

Аялал жуулчлалынханд зориулсан сургалт семинар

Upcoming Events

Монголын түүх ба археологи аяллын хөтөч нарт зориулсан сургалт
Wed, Jan 29
Аялал Жуулчлалын Тогтвортой Хөгжлийн Төв
Jan 29, 9:00 AM – Feb 01, 4:00 PM
Аялал Жуулчлалын Тогтвортой Хөгжлийн Төв
Аялал Жуулчлалын Тогтвортой Хөгжлийн Төв, ШУА-ийн Археологийн Хүрээлэнтэй хамтран 3 дахь жилдээ зохион байгуулж буй "Монголын түүх ба археологи" аяллын хөтөч тайлбарлагч нарт зориулсан сургалт 2020 оны 01 сарын 29-нөөс 02 сарын 01-ний хооронд 4 өдөр зохион байгуулагдана.
Share

МАНАЙ ХАРИЛЦАГЧ ТҮНШҮҮД

ГАДААД ТҮНШҮҮД

STDC logo.jpg

Холбогдох хаяг

976-11-354662

 

976-11-354662

976-11-354663

©2020  by STDC, Mongolia